قشنگه عشق
1 تره گم قشنگه کور ! بییه بییه
............................... در بزن تا کی واورسم من کییه ؟
می نظر کی بوشویی ، هیزار ساله
.................................. عشقِ اَمرَه اَ جودایییان چییه ؟
ــــــ
2 مایِه ایسفندِه کـــرَه نوروز اَیِه
..................................... جه زمستان گذرِه پیـــروز اَیِه
نوروزه مانستن اَی می جان ! بییه
................................... نیدینی کی معرفت آموز اَیِه ؟
ـــــــ
3 « تا واگردی برفه اَمرَه جه سفر
......................... نیشینم پنجره پوشت تی مونتظر » 1
فندیرم من رایانَـــه شَباندِه روز
............................... به خانه تا فارسی تــــو بی خطر
ـــــــ
4 « می چومان فندیرِه رایَه کی بایی
........................... دوخانم خودا ، خودایَه کی بایی » 2
هوا کی تاریــکَه بِـــه اوجاقِ ور
................................ دشَنم شبان تی جایَه کی بایی
ـــــــ
5 نیشتِه بُم کی بیشنَوستم اینگاری
.................................. می نفس اوسِه کودِه مَرَه نِدا :
اَیمه برفـــه مَرَه ایی روز تی ور
.................................... اَی می دیل تی جانِرِه ببِه فدا
ـــــــ
6 می حالَه چاکود او حَرفانِ مَرَه
..................................... او قشنگه عشق و پیمان مَرَه
می دیلَه باورده شادی ایی دفَــه
........................................ خو محبّتِـــه فـــراوان مَــــرَه
ـــــــ
7 مَرَه کی وعده بدَه ، وفا بوکـــود
....................................... بی وفا ز با وفا جودا بوکـــود
بامو برفـــه اَمرَه تا نـــــوروز بایِــــه
............................... می دیلِه مییَن می دیلبر جا بوکود
ـــــــ
8 بوگفتم تی جانَه قوربان اَ هوژبر
............................... کی هَمش بو تی پریشان اَ هوژبر
بامویی ؛ خُش بامویی برفه مَرَه
................................. با دیل و جان ترَه خواهان اَ هوژبر
ـــــــ
9 « هنوزم برفه هوایَه دوس دَرم
.................................... برفه سر تی ردّ پایَه دوس دَرم
وقتی کی ها کونی گرمه بِه تی دست
........................... من تی او گرمیِ هایَه دوس دَرم » 3
ـــــــ
هژبر پاکزاد
8 اسفند 1399 خورشیدی
ـــــــــــــــــــــــــــــــــــــــــــ
1 ، 2 ، 3 : شعر : فرهاد مانی
..............خواننده : مسعود درویش
برچسب : نویسنده : koopal بازدید : 73