دونیامز بودی

دونیامز بودی

1 شازدالاردا جاهانسوز میرزا کیمین

............................ یُخدی خالخال دا گَزَک هَر بیر یانی

2 شاد اِلَردی اُ صافالی شازدامز

................................. هَر گَلیش دَه داراوا ، داغ اُبانی

3 بیزیم خالخال دان توتپ تا زَنگانا

.................................... هَر وافالی یاد اِلِر اُ شازدانی

4 ایندی بوردا اُردا قَدرین بیلمییَن

نَــه دِییم اُلپدی پیسلیگین دییَن

5 ایندی دَه یاد اِلِروک حوسِن خانی

.............................. اُ شیرین سوزلی ، اَدَبلی کورَکَن

6 اُ اورَک لَردَه مَحبّت موماسی

.................................... خَسَرَه ، نیلو ، باناری دا اَکَن

7 اُ کی گِتدی فییینَه اِل چیلیگَه

........................... اَربابی ایلگی 1 سینَه ساری چَکَن

8 آمّا ساتدی بیـر دَفَـــه اِو اِشیگی

آیری دوشدی ، ایستَدی غَریبلیگی

9 شهین عَمّه نی گوزَل لَردَه تاری

........................ دییَه سَن کی سِچیپ آی وِردی بیزَه

10 ایستَدی گونِیدَه هَمکَتدی لَری

................................... یوردمزدا گونَه تای وِردی بیزَه

11 اورَگیندَه دُلــــدرپ مَحبّتی

............................... تاری عَمّه جانی پای وِردی بیزَه

12 یاخچلق پایلادی عومریندَه ، ولی

جور بَه جور غَم لَــــرینَن دُلدی اَلی

13 بیر دَنِیدی ذَبیح الله خوجینی

............................ بیلدی یاخچلقلارن سُلن ، ساغن

14 کَتدَرین هاممی سنا چورَک وِرَن

................................. یادیگار قُیدی بیــــزَه اَعلا باغن

15 مَردومن دادنا بیر بیر یِتیشَن

.......................... آی کیشییدی ! ایفتیخاری آق داغن

16 گَــرَک اُننان اِلییَه بَرَندَه یاد

اورَگی تا کی اُلا اوزاق دا شاد

17 هَر کیمین بیر یِری وار بیر یِریشی

................................. بو زامان دا کیم چاتِر غافار خانا ؟

18 ایشَه باخ کی مَعریفَت سیز ، گولمَلی

................................... مَعریفَت بیر بیر ساتِر غافارخانا

19 بیری آجی ، بیری بال تَکین شیرین

.................................. آجی سی اوزین قاتِر غافار خانا

20 اوز یِـــــروندا اُتی چُخ آغور آغور

سَن دوشونسُن یاراشار سَنَه بو جور

21 گَلین اُلدی بیر زامان چنارلقا

................................ خالخالن تَک خانمی ، گَلین خانم

22 آپارپ چیچَکلی باغلار ایچینَه

....................................... اورَگیینَن جانمی گَلین خانم

23 عِشقنَن تاپلمییَن عَلاقَه دَن

....................................... دُلدراردی یانمی گَلین خانـم

24 آی فیلان کَس! اُنا قُشما دای باشون

گِتــگینَه تاپگینَـــه یُـــلدا یُـــــلداشون

25 قوتاراندی عومریمیز بو دونیادا

............................... هاممی مز گِتمَلییوک ؛ دونیا قالان

26 دادمامش خُشلقی ، دونیامز بودی

................................... قَرَه گون لَر گَتیرَن ، دَردَه سالان

27 دونیایا گَلمَگیمیز نَه فایداسی

.......................... من بیلَن کی چُخ یالان دی ، چُخ یالان

28 بو هوژَبری سُرالار یاد اِلِیون

خاطراتننان ایگیت لَـــــرَه دِیون

هژبر پاکزاد

14 دی 1396 خورشیدی

ــــــــــــــــــــــــــــــــــ

1 ــ ایلگی : علاقه ، میل