قَت سوزلَر#

    1 « سوزلَر#وندا چُخ اثر وار آی هوژَبر پاکیزاد ! » 1

                                     اوجا داغن دوشینَه گوندَر گَنَه قُشمالاری

    2 گوزی یُلدادی چنارلق اوجا داغدان همیشَه

                                  پای وِرِر اولکَه میزَه قشدا دا شِعرون باهاری

ــــــــــ

    3 یاد اِلِرلَر گِجَه گوندوز سَنی هَر کیچیک بویوک

                                       اِودَه یا تَنگَه دَه یا چولدَه بیزیم هَمکَتدیلَر

    4 سَن کی شِعرون اُخشِر اَرخَه،دوری دی زَمزَمَه لی

                                         بیزیم تُزلی اوزلَری یوردمزا گَلسَه سیلَر

ــــــــــ

    5 نَه قَشَک گون دی بو گون کی سَن گَلیپ پای وِرِسَن

                          بو گوزَل شعری بیزَه ؛ ایندی کی چالغی چی چالِر

    6 دییَه سَن ایل بایرامی کوچ گَتیریپ چنارلقا

                                          غَملَری اَل ساللِییپ فَلَک اورَکلَردَن آلِر

ــــــــــ

    7 سَللَمی آخشام اوستی چیللَه خانا پای گوندَرِر

                                          یغشِرلَر بیر یانا ، شِعرون اُخِرلَر کَتدیلَر

    8 یِل اَسِر دُلایییَه ؛ قَرَه تیکانلار ساز چالِر

                                             آفرین لَر بوتون اُردا سَنَه دِرلَر کَتدیلَر

ــــــــــ

    9 تاری یار اُلسن سَنَه ، سَن کی بیزی یاد اِلِسَن

                                     سَن گَلَندَه کوشَنَه ، یاد اِلِروک غافارخانی

    10 چنارلق ایستِر سَنی اورَک اِویینَن ؛ بیلگینَن

                                 سَن کی سالِسَن یادا خالخالی ، آذربایجانی

ــــــــــ

   11 « زادیگاهوندی چنارلق ؛ فیکر و ذیکرون اُردادی » 2

                             بیزدَه بوردان چُخ یادا ساللوق سَنی؛بیرعِشقنَن

    12 گاه یازپسان کَللِه ای دَن ، گاه دِییپسَن بینَه دَن

                          ایستِسَن ــ معلوم اُلپدی ــ کوشَنی ؛ بیر عِشقنَن

ــــــــــ

    13 تا کی بیزلَر بوردایوک ، تا کی چنارلق بوردادی

                          آی بیزیم غِیرَتلی قارداش ! سَن قُناق سان گوزلَرَه

    14 شِعرینَن نَققش ورارسان سَن اورَکلَر باشنا

                              بیزدَه ایستیقبالَه گَللوک اُ شیرین ، قَت سوزلَرَه

ــــــــــ

                                                          هژبر پاکزاد

                                                 10 دی 1397 خورشیدی

   1 و 2 ــ مصرع نخست بیت های 1 و 11 از آقای میرزا قدیمی است .